أعزائى القراء الى هما حوالى 210 بنى آدم الى قروا المقاله الى فاتت .. واعزائى القراء الجدد الى أول مره يشوفوا المقاله دى ولسه مقروش المقاله الى فاتت , بس هتقروها بعد أما تخلصوا دى .
يا اما الناس الى بتحب النظام هتفتح تقرا الأولى الأول بعدين تقرا دى , قال يعنى يربطوا الأحداث ببعض " مش روايه هى !"
المهم .. أنا لسه مقررتش هكتب فى ايه برده ومحتار .
أما الناس الى بتقول مين ده أصلاً عشان يكتب وعامل نفسه أديب عالمى , هقوله يعنى أحمد حلمى أحسن منى فى ايه , ماهو عمل كتاب بتاع 28 حرف بيحكى فى قصه حياته , هى جت عليا ولا يعنى هى جت عليا .
وبعدين أحمد حلمى أثبت انه بيعرف يكتب من خلال انه جاب كلمات للـ 28 حرف بتوع العربى فى موضوع واحد .
اثبتلك أنا كمان بقى انى بعرف أكتب ..
أ : أنا
ب : بالصلاه ع النبى كده
ت : تقريباً
ث : ثوف أكتب
ج : جمل كثيره
ح : ححوطها فى موضوع واحد
خ : خيث أنى , مش لاقى كلمه فى السياق بالـ " خ "
د : دلوقتى هبدأ الكتابه
ذ : ذلك لانى فاضى جداً
ر : راعوا شعورى
ز : زى ما بتراعوا أى حاجه
س : سوف أنه , محدش يبص على حرف الـ "ث".
ش : شلل السنين عشان مش لاقى كلمه بتبدأ بحرف الـ
ص : صاد , انا شكلى
ض : ضعيف فى الكتابه ولا ايه
ط : طيب سيبنا م الحرف ده ونكمل
ظ : ظرف " بضم الـ " ظ "
ع : على الخلق
غ : غالباً , الناس زهقت
ف : فـ عشان كده
ق : قررت أكمل
ك : كتابه برده
ل : لحد أما أخلص الحروف
م : ماهو لازم أكسب التحدى والى يزهق يزهق
ن : نكمل آخر حرفين بقى
هـ : هالا هالا عليك يابنى
و : والله شكلى هعملها ولا ايه
ي : ياااااااااااااااس , آى ديد ات
بعد ما أثبت انى كاتب ومحترف كمان مش بنى آدم عادى يعنى .. قررت أكمل كتابه ان شاء الله , فـ أنا قررت انى اعملها سبوبه .
يعنى هشوف كلام الناس عن ايه واكتب فيه .
يعنى متنوع فى الكتابه ان شاء الله , يعنى سياسه ساخره حبه على شويه مواقف من بتوع زمان على شويه نقل من جلال عامر , ولا بلاش عم جلال .. افيهاته محفوظه وهتعكش فى ساعتها , ممكن أنقل من أى حد مغمور زى عمر طاهر مثلاً مع الاعتذار لهذا "البرنس ".
وليكن هذا أسلوبى الخاص هو " أسلوب الفخفخينا" مبقلدش أهو , أى موضوع فى أى حاجه وأى موقف .
من كتر المواضيع الى فى دماغى عايز أكتب كله دلوقتى مره واحده , لكن ناخدها بالهداوه وكل يوم موضوع عشان برده دماغى متفضاش واقعد احتاس بعدها .
أنا عامل زى الواد الى محبوس فى البيت عشان المذاكره "فى الفتره الى مكتبتش فيها" . أخرج أنا وأجى بكره فى أول موضوع جد بعنوان " معيار المعايره " !
أما دلوقتى فانا خدت الأجازه " قصدى ع الواد المحبوس " .
كابتن .. آنسه ، فى مقالات تانى فوق ع اليمين .. ادخلوا اقروها !
بعد ما أثبت انى كاتب ومحترف كمان مش بنى آدم عادى يعنى .. قررت أكمل كتابه ان شاء الله , فـ أنا قررت انى اعملها سبوبه .
يعنى هشوف كلام الناس عن ايه واكتب فيه .
يعنى متنوع فى الكتابه ان شاء الله , يعنى سياسه ساخره حبه على شويه مواقف من بتوع زمان على شويه نقل من جلال عامر , ولا بلاش عم جلال .. افيهاته محفوظه وهتعكش فى ساعتها , ممكن أنقل من أى حد مغمور زى عمر طاهر مثلاً مع الاعتذار لهذا "البرنس ".
وليكن هذا أسلوبى الخاص هو " أسلوب الفخفخينا" مبقلدش أهو , أى موضوع فى أى حاجه وأى موقف .
من كتر المواضيع الى فى دماغى عايز أكتب كله دلوقتى مره واحده , لكن ناخدها بالهداوه وكل يوم موضوع عشان برده دماغى متفضاش واقعد احتاس بعدها .
أنا عامل زى الواد الى محبوس فى البيت عشان المذاكره "فى الفتره الى مكتبتش فيها" . أخرج أنا وأجى بكره فى أول موضوع جد بعنوان " معيار المعايره " !
أما دلوقتى فانا خدت الأجازه " قصدى ع الواد المحبوس " .
كابتن .. آنسه ، فى مقالات تانى فوق ع اليمين .. ادخلوا اقروها !
للمتابعه
عبدالرحمن شاكر
عيل فاضى :D
ردحذفعارفكوا انتوا بتوع أعداء النجاح :D
ردحذفlike it ;) .. Estmerr =D
ردحذفThx ya Nada :D
ردحذفطيب نصيحة بقى من مدون قديم و مغمور يا قمر، لما تيجي تكتب حاجة لازم تعمل لها مسودة الاول او على الاقل، أكتب الفكرة في ورقة ولا اي قصقوصة و لا حتى على الجينز اللي لابسة عشان متنسهاش.و بالمناسبة متعرفش ليه يا أخي تلاقي الأفكار كدة متجيش غير و انت مقرر تنام و مدفوس في السرير في عز البرد ليلة امتحان و مضلم الدنيا..أحلى أفكار لأحلى كتابة ساخرة بتيجي ساعتها بقى.
ردحذفنصيحة كمان و للعلم أمر حاجة في الدنيا النصيحة و أنت عارف بقى أن متاخدش من الأصلع نصيحة ما لو فيها عقل كان ربنا سابها له صحيح - الحمد لله انا مش أصلع قصدي صلعاء.. المهم يعني دلع المدونة بتاعتك دي شوية يا كابتن..حط أي حاجة على الجنب، شوية زراير للمتابعين و الارشيف و الحركات دي، ماشي الفراغ حلو بس سهلها على نفسك و علينا شوية...كمان عشان المنظر و كدة يعني.
و تدوينة حلوة قوي على فكرة..و بداية كويسة :)
مبدأياً أنا لسه بمتحى عشان كده الفكره دى جتلى :D
ردحذفثانياً : أنا مش فاهم حاجه فى أم البتاعه ده أصلاً , أنا قلت عايز أكتب قالولى اعمل مدونه وعملتها امبارح ولسه مفهمتش فيها أوى وكمان الى بيقراها بيجى من لينك المدونه ع الفيس أو تويتر مش من جووجل بلاس لانى معنديش فيه حد أصلاً
ثالثاً : شكراً جداً و بدام مدون قديم بقى فيدنى فى انى أغير شكل الشئ ده :D
من فوق في الجنب أدخل على تصميم- منها على "تخطيط" و دي فيها تختار إضافة أداة (سواء إظهار المتابعين، الأرشيف، المدونات التي أتابعها..ألخ)
ردحذفلو عايز تغير خلفيات و طول و عرض المدونة يبقى من "قالب" ثم "تخصيص"
آخر حاجة عشان دي مهمة قوي بقى عشان الناس تعرف تعلق لك ..من تصميم ادخل على "اعدادات" ثم "مشاركات وتعليقات" و إلغي إظهار كلمة التحقق عشان نعرف نعلق براحتنا مش نفضل ندخل في اكواد.
أو الخطوة الجاية بقى تضيف صندوق تعليقات الفيس بووك زي مدونة أحمد الدريني مثلاً (أقولها على طريقتي) http://blog.ahmedsays.com/
و دي بقى تدعبس على طريقتها على النت أنا ماليش فيها.
مشكووووووووووووووووووووووور .. ايموشن منتديات :D
ردحذفهدعبس فى كله دلوقتى :D
yeeeeeeeees you did it :D :D :D
ردحذفla bgd gaaaaamd
Thx ya doaa :)
ردحذف7lwa awi de ya shaker
ردحذفMahdi
Teslam ya Kbeer :D
ردحذفحلو أسلوبك..
ردحذفWill add you 2 m favorites!!
thx Ranya :)
ردحذف