فى واحده من ضمن الآلاف من مقالاتى الساخره من الواقع والحياه السياسه المنيله " منيله لفظ أدبى رائع على فكره" أصل أنا ماشاء الله عليا يعنى قريت حبه كتب كده ولقيت الكلمه دى فيها وقررت أكون "كاتب" أد الدنيا .. طب لما يستضيفونى بقى فى القنوات وكده وابقى مشهور هيكتبوا ايه قبل اسمى " الكاتب الـ......." ايه نوع الحاجه الى هكتب فيها , والله أنا لسه مقررتش بس أدينا بنخبط فى أى حاجه , احمدوا ربنا انى مكتبتهاش فرانكو أصلاً .
طب أكتب فى ايه .. سياسه ؟!
ايوه سياسه , كانت تايهه عنى فين دى !
بس يا ترى الناس هتتقبل رأيى .. أكيد هتشتم أنا مش ناقص , طب لو بقيت محايد مش هيشتمونى " دول بيتلككوا وحياتك " .
خلاص بلاها سياسه .. دين !
أيوه هو دين .. وأخش للناس بقى من ناحيه " ان لم تقرأها فاعلم أن أى حاجه هى التى منعتك " أخليهم يقروها عافيه .
بس دين ايه الى هكتب فيه .. وهجيب المواضيع ازاى أصلاً , أدخل بقى جووجل وأدور وكده مش هيحصل .. يبقى أعمل مقاله واحطله عنوان حلو باسم الموضوع واخد الموضوع نفسه من ويكيبيديا وأحط اسمى تحت , لأ بس كده مفيش كريتيفيتى " يعنى شيخ وبتكلم انجلش لانجويدج ".
ولا دين كمان نافع أكتب فيه .
لقيتها.. أكتب عن التاريخ .
ديته " يعنى الحكايه كلها " كتاب دراسات من عيل فى رابعه ولا خامسه ابتدائى وانقل منه , تاريخ ايه يالا يا أهبل " بعاتب نفسى " هو حد بيقرا تاريخ أصلاً , احنا نجحنا فيه بالغش فى المدرسه .
فاكس سياسه ودين وتاريخ
يبقى أنا استقطب الجنس الناعم " حلوه استقطب دى " بتدل انى محترف فى الكتابه وبنافس علاء الأسوانى , المهم استقطب الجنس الناعم واكتبلهم مقالات عن الطبخ واشتهر بقى كده واطلع مع الشيف مجدى الجلاد كل يوم بقى واعمل كتاب عن الطبخ واحط عليه صورتى بقى بالطرطور الأبيض ولا الطربوش أياً كان , أيوه بس أنا كل علاقتى بالطبيخ أصلاً حله مكرونه وعجنت منى يا اما بقلى بيض فضلاً عن الشعريه باللبن "أنا جوعت على فكره" !
فاكس بقى الكلام ده كله بلا تاريخ بلا طبيخ ولا سياسه ولا دين , أنا نفسى أكتب من زمان عشان أبقى زى عمر طاهر أو بلال فضل فى أسلوبهم الراقى بغض النظر عن أسلوب بلال فضل فى مقاله " جوليا روبرتس " الى نزلها فى كتابه بنى بجم ومحدش يسئل المقاله مالها وياريت البنات متعملش سيرش عليها , أو العم جلال عامر - رحمه الله - الى فعلاً نفسى أوصل لاسلوبه فى الكتابه السياسيه الساخره الى بقلده فيها على طول
أنا هكتب فى أى حاجه تيجى فى دماغى زى ما هما بيعملوا بالظبط بس أنا شخصياً بحب أكتب انتقادات لأشخاص سياسيه لانى بشوفهم مركز المسخره فى المجتمع , وبعد أما أكتب 50 مره كده ولا حاجه هجمعهم فى كتاب واحطله كفر مالوش علاقه بالمحتوى واسم بيجذب الناس عشان يشتروه حتى لو مش هيقروه زى ما بيعملوا برده , أما بقى لو فى أخطاء املائيه فـ أنا فاشل دراسياً .. ولو الأسلوب فى الكتابه نفسها وحش فـ ده بسبب عمر طاهر وبلال فضل عشان هما الى علمونى الكتابه , أما عن أول جمله كتبتها ف دى عشان مكنتش عارف أبدأ ازاى :D
كابتن .. آنسه ، فى مقالات تانى فوق ع اليمين .. ادخلوا اقروها !
جااااااااااااااامد :D
ردحذفهههههههههه حلوة أوى .. بس المشكلة فى اللى يكتب ، انت ممكن تضغط على نفسك و تحط عصارة اللى فى دماغك ، المشكلة الحقيقة تكمن فى القارئ ف حاول ألا تصيبنا بالشلل عشان هى مش ناقصة ، استمر :D
ردحذفgaaaaaaaaaaaaaaamd l sho8l da awe :D
ردحذفaywa b2a ;) .. Gmdaaa =)) .. like ya Smeedaa =))
ردحذف7lwaa :DD 2yoha el katb el sa5er ^^ xD
ردحذفشكراً ليكوا جميعاً بحيرى وتسنيم ودعاء و ندى ومريم :)
ردحذف7wel t5aly aslobak monfred mesh zay 7ad 3shan mtkonesh ay kalam bas ka bdya 7elwa *not bad*
ردحذفان شاء الله ده الى هيحصل وتلسم يا كبير :D
ردحذفبلتوفيق يا شاكر :)
ردحذفربنا يخليك يا محمد :D
ردحذفعاش ياض يا شاكر شغل هتبقى حاجة إن شاء الله :)
ردحذفحبيبى يا عمر :D
ردحذف